Рекламный баннер 990x90px bantop
"Удмурт Кенеш" - 30!
15:56 14.03.2022 16+
"Удмурт Кенеш" - 30!
Азьланьтӥськомы тодматсконмес
СВЕТЛАНА АНАТОЛЬЕВНА СИДОРОВА
Светлана Анатольевна вордӥськиз 24-тӥ коньывуонэ 1969-тӥ арын пичи удмурт гуртын. Ӟуч сямен Пойкино нимаське, нош удмуртъёс Пуйкагурт, пе, шуо. Куинетӥ классозь татысь ик покчи ёзо школаын дышетскиз, собере Бадӟым Кибья шор ёзо школае выжиз. Сое йылпумъяса, Ижкарысь культпросветучилищелэн (али Удмурт Элькунысь лулчеберетъя колледж нимаське) библиотечной ёзэтаз дышетскыны пыриз.
1990-тӥ арын Пычас черкогуртысь лыдӟетъюртын ужаны кутскиз. Ар ортчыса, ёрос библиотекае выжиз. 2010-тӥ арысен Светлана Анатольевна лыдӟетъюртлэн кивалтӥсез луэ. Озьыен, та удысын 30 арлэсь ятыр ужа ини. Мерлыко ӧрын но мыло-кыдо тырше. Светлана Анатольевна «Удмурт Кенеш» огазеяськонлэн Можгалась ёзэтаз но Россиысь лулчеберетъя удысысь ужасьёслэн профсоюзазы пыриське.
- «Удмурт Кенешлэн» Можгалась кивалтэтаз монэ 1999-тӥ арын пыртӥзы. Мынэсьтым кандидатураме ӵош ужась эше Надежда Дмитриевна Бурина дэмлаз, - вера Светлана Анатольевна. - Солэсь азьвыл «Дэмен» огазеяськонэн матысь кусып вози. Нош малы «Удмурт Кенешлэн» ужаз пыриськыны мылкыд кари? Мынам аслам уже но, та мерлыко ӧр но одӥг сюрестӥ мыно. Ми анай кылэз утиськом, удмуртлыкез вӧлмытӥськом. Оглом вераса, одӥг ужпумъёсты сэртыны-пертчыны выриськом, одӥг сюлмаськонэн улӥськом. Кызьы шуо, котькыӵе визьмо, шаплы, нодлыко тон мед луод, оген венез но ӝутыны секыт, нош валче - ми кужым!
Светлана Анатольевна Можга ёрос лыдӟетъюртысь ӵощ ужась эшъёсыныз пӧртэм кичӧлтонъёсты улонэ пыӵатэ. Соос радын - «Ашальчи лыдӟонъёс», «Шаертодонъя лыдӟонъёс», «Удмурт нылкышно туала улонын» нимо пумиськонъёс. Вордскем кыллэн нуналаз но Удмурт кыллэн нуналаз ӧнерчиос котьку но тунсыко акциос радъяло. Со сяна, арлы быдэ Игнатий Гавриловлэн вордӥськем гуртаз, Бадӟым Сибыын, дано драматурглы сӥзем пумиськонъёс ортчытъяло. Ӧнерчиослэн кичӧлтэмзылы луыса, берло кык ар ӵоже Кватчиысь но Каксяысь лыдӟиськонниослы можга музъем вылын вордӥськем, будэм но кыдам писательёсмылэн нимъёссы сётэмын.
- Вань малпам ужрадъёсмес пӧртэм амалъёсты кутыса, мур но тунсыко пуштросэн ортчытыны тыршиськом, - шуэ Светлана Анатольевна. - Туннэ экскурсионной маршрутмес улонэ пыӵатон бордын тыршиськом, со калык писательлэн Трофим Архиповлэн творчествоезлы сӥземын. Эшшо огпол пусъеме потэ: вӧзад валась но юрттӥсь командаед ӧз луы ке, номыр но уз пӧрмы. Ми ужаськом ӵош, огкылысь.
Трос аръёс ӵоже тыршыса ужамез понна Светлана Анатольевна Сидоровна Удмурт Элькунлэн тӧроезлэн Таукаронэныз, Россиысь лулчеберетъя удысысь ужасьёслэн профсоюззылэн, лулчеберетъя министерстволэн но Удмурт Элькун Кивалтэтлэн данъян грамотаосынызы пусъемын. Мерлыко уж нуэмез но удмуртлыкез азинтэмез понна «Удмурт Кенеш» огазеяськонлэн Можгалась ёзэтэзлэн но Йӧскалык политикая министерстволэн таукаронъёсынызы пусъемын.
#Можга #УдмуртКенеш #УдмуртКенешввМожге
Азьланьтӥськомы тодматсконмес
СВЕТЛАНА АНАТОЛЬЕВНА СИДОРОВА
Светлана Анатольевна вордӥськиз 24-тӥ коньывуонэ 1969-тӥ арын пичи удмурт гуртын. Ӟуч сямен Пойкино нимаське, нош удмуртъёс Пуйкагурт, пе, шуо. Куинетӥ классозь татысь ик покчи ёзо школаын дышетскиз, собере Бадӟым Кибья шор ёзо школае выжиз. Сое йылпумъяса, Ижкарысь культпросветучилищелэн (али Удмурт Элькунысь лулчеберетъя колледж нимаське) библиотечной ёзэтаз дышетскыны пыриз.
1990-тӥ арын Пычас черкогуртысь лыдӟетъюртын ужаны кутскиз. Ар ортчыса, ёрос библиотекае выжиз. 2010-тӥ арысен Светлана Анатольевна лыдӟетъюртлэн кивалтӥсез луэ. Озьыен, та удысын 30 арлэсь ятыр ужа ини. Мерлыко ӧрын но мыло-кыдо тырше. Светлана Анатольевна «Удмурт Кенеш» огазеяськонлэн Можгалась ёзэтаз но Россиысь лулчеберетъя удысысь ужасьёслэн профсоюзазы пыриське.
- «Удмурт Кенешлэн» Можгалась кивалтэтаз монэ 1999-тӥ арын пыртӥзы. Мынэсьтым кандидатураме ӵош ужась эше Надежда Дмитриевна Бурина дэмлаз, - вера Светлана Анатольевна. - Солэсь азьвыл «Дэмен» огазеяськонэн матысь кусып вози. Нош малы «Удмурт Кенешлэн» ужаз пыриськыны мылкыд кари? Мынам аслам уже но, та мерлыко ӧр но одӥг сюрестӥ мыно. Ми анай кылэз утиськом, удмуртлыкез вӧлмытӥськом. Оглом вераса, одӥг ужпумъёсты сэртыны-пертчыны выриськом, одӥг сюлмаськонэн улӥськом. Кызьы шуо, котькыӵе визьмо, шаплы, нодлыко тон мед луод, оген венез но ӝутыны секыт, нош валче - ми кужым!
Светлана Анатольевна Можга ёрос лыдӟетъюртысь ӵощ ужась эшъёсыныз пӧртэм кичӧлтонъёсты улонэ пыӵатэ. Соос радын - «Ашальчи лыдӟонъёс», «Шаертодонъя лыдӟонъёс», «Удмурт нылкышно туала улонын» нимо пумиськонъёс. Вордскем кыллэн нуналаз но Удмурт кыллэн нуналаз ӧнерчиос котьку но тунсыко акциос радъяло. Со сяна, арлы быдэ Игнатий Гавриловлэн вордӥськем гуртаз, Бадӟым Сибыын, дано драматурглы сӥзем пумиськонъёс ортчытъяло. Ӧнерчиослэн кичӧлтэмзылы луыса, берло кык ар ӵоже Кватчиысь но Каксяысь лыдӟиськонниослы можга музъем вылын вордӥськем, будэм но кыдам писательёсмылэн нимъёссы сётэмын.
- Вань малпам ужрадъёсмес пӧртэм амалъёсты кутыса, мур но тунсыко пуштросэн ортчытыны тыршиськом, - шуэ Светлана Анатольевна. - Туннэ экскурсионной маршрутмес улонэ пыӵатон бордын тыршиськом, со калык писательлэн Трофим Архиповлэн творчествоезлы сӥземын. Эшшо огпол пусъеме потэ: вӧзад валась но юрттӥсь командаед ӧз луы ке, номыр но уз пӧрмы. Ми ужаськом ӵош, огкылысь.
Трос аръёс ӵоже тыршыса ужамез понна Светлана Анатольевна Сидоровна Удмурт Элькунлэн тӧроезлэн Таукаронэныз, Россиысь лулчеберетъя удысысь ужасьёслэн профсоюззылэн, лулчеберетъя министерстволэн но Удмурт Элькун Кивалтэтлэн данъян грамотаосынызы пусъемын. Мерлыко уж нуэмез но удмуртлыкез азинтэмез понна «Удмурт Кенеш» огазеяськонлэн Можгалась ёзэтэзлэн но Йӧскалык политикая министерстволэн таукаронъёсынызы пусъемын.
#Можга #УдмуртКенеш #УдмуртКенешввМожге
Оставить сообщение: